ءراسىم بارىسىندا ە.راحمون قازاقستاندىق-تاجىك قاتىناستارىنىڭ جوعارى دەڭگەيىن اتاپ ءوتىپ, ەكى ەل اراسىنداعى ءوزارا ءتيىمدى, ءداستۇرلى دوستىق وزارا ءىس-قيمىلدى ودان ءارى دامىتۋعا دايىن ەكەندىگىن ءبىلدىردى. سونداي-اق, تاجىكستان پرەزيدەنتى قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆقا جانە پرەزيدەنت قاسىم-جومارت توقاەۆقا ىزگى تىلەكتەرىن جەتكىزىپ, جاڭا ەلشىگە قازاقستاندىق-تاجىك ىنتىماقتاستىعىن نىعايتۋ باعىتىندا ءساتتى جانە جەمىستى جۇمىس تىلەدى.
ءوز كەزەگىندە ا.تاجىباەۆ تاجىكستان پرەزيدەنتىن ەكى ەل باسشىلارىنىڭ مەملەكەتتەر اراسىنداعى ەجەلگى باۋىرلاستىق پەن دوستىق قاتىناستارىن نىعايتۋ جانە كەڭەيتۋ جونىندەگى مىندەتتەرىن ورىنداۋدا ەلشىلىك بارلىق كۇش-جىگەرىن جۇمسايتىندىعىنا سەندىردى.
